Franz Hohler in der Radiosendung "Franz ruumt uf" vom 18. Januar 2006

"Und woni letschthin d'Büecher vom Niklaus Meieberg i de Hand gha ha und überlait ha, öb i die sell bi 'Zytgschicht' lo oder zu 'Literatur' schtelle, hani tenkt: Wer schribt eigentli hüt settigi Büecher, guet recherchiert und eigewillig und spannend gschribe? Denn hani si bi 'Zytgschicht' glo und ha em Hans Fässler sys Buech 'Reise in Schwarz-Weiss' über d'Schwyz und d'Sklaverei dezue gschtellt."